Domingo día de misa

Estudou no Seminario de Lugo

Traxectoria: Estudou no Seminario de Lugo... Así empeza a historia de dous seminaristas da nosa promoción do 66 na Galipedia/Widipedia:
- O Pucheiro
- O Guerra
Porque si, como ten que ser

Este Carrabouxo

Día das Letras Galegas, Día da Internet, .gal

Díaz Castro no Seminario de Mondoñedo
Bo Día das Letras Galegas
Bo Día da Internet (xa imos ser alguén na Rede, imos ter o .gal)

Saúdos para a promoción do 62

La Regenta

O bonito futuro dun seminarista: chegar a cura, logo a cóengo e ter unha amante como La Regenta

O COU no Instituto

Aquí fixemos COU algúns pero por esta porta non se podía entrar, estaba prohibidísimo, entrábase pola outra porta pequena. Eran tempos nos que o alumnado non eramos máis ca tropa. Aínda así tivemos a sorte de que nos dera Lengua Don Xesús Alonso Montero para nos arrincar o pouso antigalego que nos meteran os padres no Seminario. Tamén co Director, Don Angel, aprendemos moito. Díxonos que el quería que non acabase o curso sen nos explicar os fundamentos do marxismo aínda que non era a súa ideoloxía; e tamén que nos fixaramos en Chile, se triunfaba Allende sería a primeira vez que o marxismo se impoñía sen violencia. E claro, en setembro dese ano veu o Pinochet e compañía e remataron con todo polo que (canta razón tiña o noso profe) non hai marxismo polas boas. E algúns tamén aprendemos moito latín con Don Amable Veiga, a cousa máis seria e esixente que por alí andaba.

Ai, que cruz

Hai hoxe uns corenta anos multou a meu pai a Garda Civil por traballar un xoves santo. Mais ben por levar as vacas xunguidas ao carro un día santo. Se o Xan de Baixo levase un bo feixe de herba ao lombo que era ben máis traballo, nin pecado nin multa. E aínda hai quen di que eran mellores aqueles tempos. Arrenégote demo!!!